我而家身處顯徑村外圍既一個地盤(顯田泳池對面, 撘火車經過會見得到), 呢個site 係用黎起一個普通既高層住宅, o係政府改完又改o既房屋政策下, 提供一個可租可買o既公共房屋, 至於詳細情況我都唔係好清楚 ^_^"。
Part A. Introduction of Piling System (哈哈哈...係咪唔似我既作風呢... 用d 咁Formal 既字眼同format... 咁先顯得我係一個怪人)
咁起樓就梗係要打樁架啦, 唔打樁果d 極其量只可以叫做屋(你話我話o既), 樁o既用除一盤黎講到係 provide 個 vertical reaction, 等幢樓可以 sit on a permanent foundation。而o係design Pile o既時候, 主要就要考慮三個因素, I. Reaction 夠唔夠大; II. 個 settlement 會唔會太勁; III. 對隔離d 野有咩影響。呢d criteria 就要睇下做Geotech 果邊個Engineer 做 site inspection (Rock Sample) o既功力喇, 因為下面幾深到石層、石層有幾硬、d 泥係咩類型, 同埋 properties、泥層中有無Border 等等o既資料, 對於我地o既 design 都起左舉足輕重既作用架 (即係d 滾落黎既石頭, 再比d 泥覆蓋住, 呢d Border 對 Piling 都好大影響架, 一陣會再講)。
I. Provide Reaction (其實可以叫做Resistance to vertical force) 有三種方法, 一種就係 by soil skin friction, 第二種就係 by end bearing, (fig.1) 第三種就係 by soil passive pressure
a. Soil skin friction 比到你o既就係佢拙住你果度力, 呢個 force 係黎自 pile surface 同soil 之間既 shear force, 情況就類似用釘釘入木板果度咁
b. End bearing 就係條pile 底部同石塊/泥接觸面所 provide o既 normal reaction, 情況就類似你企o係地面
c. Soil passive pressure, 呢個一般係用作 resist 個 lateral earth pressure o既, 因為如果你做 excavation 既時候, 側邊d 泥就會 lum 落黎, 你就需要用Sheet Pile (打Sheet pile o既時候, 就會將呢個 vibrator 駁上個雞頭度, 震條pile 入地底) 黎擋番住佢, 受力o既情況就類似你將把間尺插入d 泥裏面, 然後打橫咁督支間尺個頭, 間尺入泥既部份, 泥土受壓果一面就會 provide 個 soil passive pressure 比你喇。
詳情又可以參考下d 講 foundation o既書 (我o係房署借左本幾好既書, 書名: Structural Foundation Designer's Manual, 出版: Curtins Consulting Engineers, 作者: W. G. Curtins, G. Shaw, G. I. Parkinson, J. M. Golding)。
II. Settlement 就係d 泥o係受到壓力之下, 進行 consolidation, 咁就會壓扁左, 情況類似你將一舊蛋糕(手禁)扁左。新聞成日報導"沉降" 就係呢個情況, 其實如果用剛才提及果種 "Provide Reaction by Soil Skin Friction" o既方法, settlement 呢樣野係無可避免o既, 只要個 Engineer o係design 條pile 既時候, 考慮埋佢o既 settlement 係咪可以接受, 同埋佢會唔會係 evenly 咁 settle (即係成幢樓一齊咁向下沉), 如果真係好 even 咁 settle, 結構上係無問題架 (比薩斜塔就係一個好成功既失敗例子)。
III. Influence to the surrounding area 至於對隔離有咩影響就真係好廣汎, 個個 site 都唔同, 我聽過o既有; a. 週圍有d 古舊建築物, 咁打樁o既時候就唔可以震得太勁, 廢事震傷佢喎 (Vibration Control ) ; b. 你打樁o既時候, 抽水而造成既 water draw down 對附近o既 settlement (set1, set2, set3) 又唔可以太勁 (抽水係為左令水位降至你個 site working platform 以下, 等你唔駛濕漉漉咁工作, 同埋要放機器); c. 如果個site o係市區, 咁 building regulations 又話你每日打樁唔可以超過三個鐘(環保!!!, 污染!!!), 星期日又唔比打, 總之就多多限制啦。d. 太嘈又話唔得喎 (Noise Control)
Part. B Construction of Piles
香港關於building o既工程一般都會選用兩種樁, 一種就係Driven 'H' Pile, 另一種就叫做 Large Diameter Pile, 我而家呢個 site 就用緊 Driven 'H' Pile (Pile 個頭會先削尖左先, 咁樣可以令我地打樁準確d 同埋易打入地底 d) 同埋係用緊 soil skin friction 黎 provide 個 vertical support force o既。
呢個project 所用既 'H' Pile 係 305 x 305 x 180 o既Steel 'H' Section, Construction o既時候就好簡單, 就係用部叫做 Hydraulic hammer (fig.1, fig2, fig3) o既機死命咁樁佢入地底需既位置 (Piling 始動可看看這裏), 咁當然, 呢個世界就無乜幾可比你搵到d 4~50 m o既工字鐵架嘛, 仲有, 你打樁既時候都無可能幢起條野成幾十m 高咁打, 做法只有兩種; 一係打一截weld 一截, 一係就 weld 一截打一截 (講笑 ^_^, 至於點 weld 就o係welding 裏面會詳細少少咁介紹)。但係有時條 Pile 會樁樁下遇到d Border, 最麻煩o既情況係一半踩住, 一半又無, 咁就會令支pile 打打下傾側左, 繼續咁打就有機會打壞支樁; 除此之外, 有時支樁又會無啦啦 damage 左, 例如 buckle 左咁, 呢d fail 左o既樁就要拔番出黎再打過 (呢d 就會o係"jet 番條樁出黎" 裏面會再詳細介紹)。咁o係懷疑地底有Border 既情況之下我地就會o係落 pile o既地方先打bore hole, 將d border 鑽穿佢, 等我地支工字唔怕再遇到喇 (呢d 又會o係"打bore hole" 裏面詳細介紹架喇)。
有d 時候, 我地jet 番出黎果條樁可能會斷左, 我地就需要改design, o係附近打番條 pile , 咁既然呢條唔得, 附近都應該唔得架喇, 所以一定會o係隔離打番個 bore hole, 先至打樁。
到最後, 咁點樣測試支樁係咪ok 呢, 咁由於 contractor 好鬼多古惑野, 佢地支樁入左幾深係佢地話既o者, 同埋就算支樁入得夠深, 都唔代表佢可以比到足夠o既力我地, 可能有 damage、泥層中有d unknown o既事情發生左(撞左Undefined Diving Object??), 所以我地會做三個 test, PDA test (Pile Driving Analyzer), Loading test, 同埋用Dynamic Pile Driving Formulae (詳情又可以去"Pile test" 果度睇睇), 做呢d test 就可以幫我地測出條樁究竟實際上有幾強, 呢個先至係我地身為 Structural Engineer 所concern o既野 (呢句野係咪好似好brand 咁呢^_^)。
咁至於另一種樁, 我呢個地盤就無得睇喇, 但係我阿頭就話, 下次我落去沙田果個地盤就有機會見到喇。
蘇豪o係Shatin Area 2B 既報導告一段落
fin~
