Welding o係 Steel Structure 裏面係一個非常之major o既 connection 方法, 佢o既好處係夠強啦, 又可以拎到個接口盡量平整, 對於將兩塊plate 接駁埋一齊, 係最好既方法。o係呢次呢個 piling 既site 入面, 做呢d welding 都係將d 大塊o既 plate/H Section 駁埋, 所以都會使用 welding 黎做接駁。
我o係呢個 site 度主要見過兩隻唔同既焊, 但係都係電焊, 電焊既好處係比風煤焊安全(至少發生起事上黎, 都係得個焊工電鬼死左, 唔會累及他人), 同埋佢唔需要駁條長長既石油氣喉, 呢d 喉最危險既地方係, 如果佢比踩住或者有d 野o係裏面塞住左o既話, 係好危險架, 但係用電線就算比人踩住都唔會有事, 最多斷左條線用唔到, 仲有, 駁長電線點都比駁長石油氣喉安全同埋方便。至於唯一既唔好處係, 佢係絕對地焊唔埋絕緣體架...(但係我都仲未諗到有咩絕緣體係要焊埋一齊架...用AA 超能膠唔得咩?)
我見過既電焊有兩大類, 一類就係一手拎住電槍, 一手拎住支金钃棒, 支電槍個頭發熱將金钃棒熱熔o係工件上, 呢隻一般只係 for 接駁電線之用, 唔能夠提供好強既 strength; 而另一隻就係 for structural use o既, 佢就會將焊支接駁在焊槍上, 然後將件工件 Earth 左佢, o係佢地搞擊接觸果一殺那, 燃起點點愛火, 繼而將成條焊支逐d 逐d 咁熔化在工件上, 無論生、老、病、死、佢地都永不分離。
好喇, 再講番我見到呢兩隻焊有咩特別, 咁頭先都講過啦, 呢次會用到o係 structural 方面, 所以會用後者。而由於呢個 Site 所用既工字鐵都係採用由韓國直接入口既上乘 Grade 55C 鋼材同埋佢係 permanent structure, 但係打 bore hole 所用o既 casing 只係Grade 43A and temporary work, o係要求同質量方面有所不同, 所以, 所採用o既 welding method 係有少少唔同架。
首先講下比較弱d 果隻, 由於打 bore hole 果個 casing 只係 temp work, 所以我地唔需要同佢驗夠唔夠力(反正佢唔夠力, 斷左留o係地底都係個 contractor 自己蝕水), 所以只需要用一個最快, 最簡單既 method (就咁將個邊邊焊埋就ok)。
而比較強d 果隻, 係用黎將d 工字鐵焊埋, 所以o係焊o既時候就要比較嚴格, 因為幢樓 lum 唔 lum 就睇佢, 由於燒第一浸焊既時候, 個接駁位係空o既, 果浸焊既質素就無可避免咁比較低, 所以我地o係燒完一邊之後, 燒第二邊之前, 會將之前既第一浸焊用風機, 火槍+炭精將佢燒番出黎先(see fig.1), 然後先再開始燒第二邊, 咁就可以保証焊口o既強度, 焊完之後再燒多一塊100 x 200 x 15mm thk o既 plate 上去(see fig2, fig.3), 咁就為之大功告成喇。
fin~
