前言: 黎左地盤幾日, 我終於都知到左點解鑽窿叫做 Boring 喇... 原來真係好悶架... -_-" , 不過其實唔係淨係打 bore hole 悶囉... Piling 都好悶下架... 所以都唔怪得佢o既...
正題: 之前講 Piling o既時候都題及過, 有時因為某些原因, 例如地底有border, 可能會影響到我地打 Pile, 我地就需要鑽入地底, 將呢d 野鑽穿佢, 先可以打Pile, 如果唔係, 條 Pile 可能會因為比d 石塊 kick 住左而打鬈。通常我地有兩個情況下, 會懷疑地底有border, a. 做 site investigation o既時候, 發現到; b. 已經打左條 Pile 入地底, 而o係做 PDA test o既時候發現條 Pile fail 左。
操作原理: 基本上係無乜特別, 只不過係將個鑽咀不斷咁鑽入地底, 當鑽盡左支 bore rod o既深度之後, 就要駁番支上去, 而個casing 亦都會o係佢震動之下自動跟住向下挫落去, 如是者不斷咁鑽。至於d 鑽左出黎o既泥點樣 remove 呢? o係個鑽頭果度有個窿, 我地會用風機 (風機係一部幾大下o既機, 拖條喉輸氣過黎部bore hole 機度)泵d 強力o既氣流入去, 當d 泥一鑽左出黎, 就會立刻被噴出黎, 尤其是係o係支鑽咀鑽到過左水位, d 泥水只可以用 "爸把" 聲黎容, 震憾非常。
看圖解說:
首先, 我地會先locate 番個位
然後就移呢部機埋黎打bore hole 喇...
超近鏡(鑽咀o既接駁口)
由於我地呢個地盤, 底下d 泥層並唔係咁 stable, o係一路轉落去o既時候, 側面d 泥會好容易 lum 落黎, 所以我地需要用一個 casing 包住支樁, casing 除左可以防止d 泥倒 lum 之外, 仲可以 幫我地 guide 個鑽咀, 等佢唔會走歪左 (casing o既詳細預備過程, 請到這裏)
先做prebore
然後就將 casing 固定好位置, 就會正式開始鑽窿, 圖中塊帆布就係用黎擋住d 噴出黎o既泥水。
到鑽到咁上下, 支 bore rod 唔夠長o既時候, 就需要駁長, 過程係需要用到剷呢車 (!?係咪好奇怪點解要用剷泥車呢!? 其實o係地盤度好多時都會用到剷泥車, 可以到這裏看看), 圖中o既剷泥車正在用一條鋼索黎同條bore rod 上螺絲。
當上好螺絲之後, 又需要加番個 casing, 圖中綠圈部份o既鐵片, 會o係罩上第二個 casing 之前燒上去, 用途一陣再講。
吊機將個 casing 放好之後, 仲需要微調, 下圖中紅圈及綠圈部份分別係一塊三角形o既鐵同埋四方形o既鐵就係用黎微調架喇。
咁set 好個casing 之後, 就不斷咁重覆以上o既步驟 x 好多好多次。
之後, 就會得到完成品, bore hole 一個
o係挖夠到要求o既深度之後, 就fill 番d 泥, 再用個 vibrator 黎compact 佢
最後就拔番個casing 出黎就大功告成喇
fin~